رائحه كريهة في المنطقة الحساسة ادخلي هنا الحل

ام ايه · #1 03-11-2009

الرائحه الكريهه

عرايس يشتكون كثير من وجود رائحه كريهة في المنطقة الحساسة
وهذا نتيجه لاحد الاسباب التاليه :
1.الاتهابات

ممكن العروسه تعاني من التهاب قبل الزواج
وهي لاتعلم وبعد المعاشره الزوجيه
ظهرت هذي الرائحه الكريهة الي تضايق العريس قبل لاتضايقك
ولاننسى ان الرائحه اول شيء ياثر على الجهاز العصبي للرجل
سواء ريحه حلوه ولا شينه
وتاكدي ان الريحه الشينه تعلق براسه اكثر من الحلوه
وصعب تروح من باله وبيشمها فيك مهما بعد كذا تنظفتي وحطيتي عطور

وهنا يجي دور الكشف قبل الزواج عن اي التهابات والعلاج جدا سهل
لا يتعدى مضاد حيوي عن طريق الفم لعده ايام

وقد يكون الاتهاب صار بعد الزواج
ولهذا انصح كل عروس لما تجهز شنطتها لشهر العسل
تحط معاها ملح خشن بعلبه حلوه .. وتستخدمه كغسول
او تتنقع فيه لمده عشر دقايق
باذن الله يقضى على التهاب او على الاقل الريحه
لحد ماترجعين بالسلامه وتراجعين الدكتوره

وطريقة الملح : تاخذين ملح بقبضه يدك
وتذوبينه ب3 كاسات ماء دافيه وتجلسي فيه
بالبانيو بحيث يغطي ماتحت السره .. ممكن بعض الاوتيلات
مايتواجد فيها بانيو مجرد شاور استخدميه كغسول

واعلمي ان الاتهابات جدا خطيره وقد تسبب التصاقات
وبالتالي عقم الله يبعده عن كل المسلمين

ثاني سبب مثل ماذكرنا استخدام الصابون

اشربي كثير ماء بهالفتره واذا شعرتي بعد المعاشره بانك بحاجه للحمام
لاتتصبرين على طول روحي الحمام ولا تستحين

ولازم تنتبهين ان المنطقه تكون ناشفه كويس ..
استخدمي المناديل الورقيه لهذا الغرض
واذا تعانين من افرازات استخدمي الفوط الصحيه اليوميه
بشرط تغيرها 3 مرات على الاقل باليوم

ملابسك الداخليه لازم تكون مصنوعه من القطن
وغير ضيقه علشان تتهوى المنطقه
وانتبهي من ملابس الضيقه والنايلون او اي شي غير القطن لانه يسبب رطوبه
وبالتالي مكان مثالي لتكاثر بالكتيريا والجراثيم
-=-=-=-=-=-=-=-=-=-=-=-=-=-=-=-=-

===============

لتعطير المنطقه الحساسه

كل 3 ايام اومره بالاسبوع جربي هالطريقه

جيبي ورد جوري مجفف
"لازم تتاكدي انه نظيف بعد ماتشترينه غسليه وغطيه بشبك وخليه ينشف مره ثانيه"
تلقيه عن العطار

خذي مقدار قبضه يدك وخليه يغلي مع كاسين ماء
واذا صار دافي حطيه بطشت يكون كبير شويه
"بحيث تجلسين فيه يغطي ماتحت السره والرجلين تكون برا"
واضيفي له بياله ماءورد ملعقه عسل طبيعي وملعقتين ملح خشن
واجلسي فيه لمده ربع ساعه او حتى يصير بارد
وشوفي الريحه .. وعلى فكره الورد الجوري يحمي من الاتهابات

اول ايام الزواج او مرتين بالشهر مثلا ..
حطي قطره دهن عود بيدك وادهني فيها المنطقه بس من بره يعطي ريحه حلوه

لاتنسين المسك وهذا حثنا عليه الرسول عليه الصلاه والسلام
بس تاكدي ان اصلي تلقينه عن القرشي وهو زي الحجر..
انتبهي انتهبي تستخدمين المسك الي عند العطار ترا مو هذا المسك المقصود

============

الاتهابات البسيطه

وعند احساسك بان هناك التهاب استخدمي احد الطرق التاليه

منقوع البابونج المغلي .. قبضه يد بابونج يغلى مع 3 كاسات ماء

ويجلسين فيه بعد مايكون دافىء لحد مايبرد

وايضاء مغلي حبه البركه .. فنجان حبه البركه مع 3 كاسات ماء نفس طريقه البابونج

الجلوس في كاسين ماء دافى مضاف لها علبه زبادي زائد الحموضه"منتهي تاريخ الصلاحيه"

شرب الشاي الاخضر وعصير التوت الاحمر واكل الزبادي يحمي من الاتهابات

واستخدمي غسول الملح مع بودره المره والماء الدافيه مرتين بالاسبوع ..
يحمي من الاتهابات