فضي وقتك لنفسك شويه

ام ملك · #1 06-22-2008

طبعا كل ربات البيوت تعبانيين اوى
مابين ترتيب البيت والولاد والشغل ....
واكبر شغلانة
الزوج
اكيد فى الاخر هتدورى فين وقتك اللى يكون ليكى وبس
مش هتلاقيه لان وقتك كله مشغول.
لكن فى طريقة حلوة نعتمد عليها عشان نقدر فى الاخر نشوف نفسنا ألا وهى......
النظااااااااااااام
طبعا هتقولولى يا ست والنبى ريحينا من الكلام بتاعك ده وخلصينا وفى ناس هايقولوى
ياستى فكك من الحوارات دى

وهناخدها على مرااحل واول مرحلة هنرتب بيوتنا....
معلش استحملونى شوية وشوفو كلامى هيعجب ولا لا
المهم نرتب بيوتنا ازاااااااااااى
ناخدها كجداول
الجدول اليومى
1-غسيل الاطباق
2-نمسح البوتاجاز
3-نعمل الاكل
4-نرتب اوض النوم(من عالوش..من غير كروتة)
5-تنضيف الحمام
الجدول الاسبوعى
1-نغسل الهدوم
2-نكوى ولو فى مكوجى تحت البيت يبقى افضل
3-مسح الأرضيات
4-تنضيف التلاجة(مش نسيبها لحد ما الجيران يشتكو من الريحة)
الجدول الشهرى
1-تبديل البياضات او الملايات او المفروشات
2-غسيل البيبان ومسحها والزجاج
3-غسيل السجاجيد والموكيتات (احسنلك وديها المغسلة)
4-تنضيف المراوح والمكيفات
5-ترتيب الدواليب
هااااااااااا ايه رأيكم بئة
اظن بئة لو احنا وضبنا وقتنا كده اكيد هنلاقى وقت لنفسنا
يا ريت تقولولى رايكم فيه بس لازم تجربوها الاول