هل فتاه النت فتاه سيئه ؟؟موضوع للمناقشه

والله يا ستايل اولا ده موضوع خطير وجميل جدا اللي طرحتيه انا عن نفسي عن نفسي يعني دي وجهة نظري لو البنت اللي بتستخدم النت بتدخل منتديات نسائيه زينا كده وتتكلم وترد علي بنات مفيش مشكله لكن لو هاترد علي شباب وتاخد ايميلاتهم ويتكلموا تحت بند الصداقه او الاخوة فده طبعا لا لان مفيش حاجه اسمها صداقه بين ولد وبنت واعتقد ديننا بيقول كده وشكرا ع اختيارك الموفق للموضوع

عين الصواب يا ام ملك ولا يصح الا الصحيح وقال رسولنا الكريم صلي الله عليه وسلم `أتقوا شر الشبهات'

راى سليم من ام ملك وام سيف يعنى انتو مأيدينى انه مينفعش اى نوع من الاختلاط حتى وان كان مفيش تعارف شخصى قال تعالى ( ولا متخدات اخذان ) وحتى ان كانت البنت هتدخل وتتناقش بس فكما ذكرت ام سيف قال عليه الصلاه والسلام ( اتقوا شر الشبهات )
( ولا تخضعن بالقول فيطمع الذى فى قلبه مرض)
شكرا اخواتى على ردودكم الجميله بارك الله فيكم ونفع بكم وثبتكم على الحق بأذنه

الموضوع ده فعلا مهم يا ستايل وأنا شايفة إن فتاة النت هى فتاة عادية جدا كل ما يميزها أن لها رأى أحبت أن تعبر عنه ولها رؤية أرادت إطلاع غيرها عليها كما أنها مهتمة بسماع الغير ومعرفة الرأى الأخر بس....... كان هذا الرأى لبنت أو ولد مش هتفرق كتير.... وبعدين الشباب مفروضين علينا كزملاء دراسة أو عمل يعنى الحكاية مش فارقة كتير ومادامت البنت واثقة فى نفسها وعرفة حدودها وإلتزامتها يبقى مفيش مشكلة ..... ولا إيه؟؟