 |
| |||||||
| المنتدى العام دردشة وتجارب - شات عالم حواء فضفضة عامة بين عضوات عالم حواء فى شات عالم حواء فى كافة امور الحياة والامور الخاصة وتبادل الاراء بين العضوات فى مشاكلهم الشخصية و الامور العامة |
 |
| | أدوات الموضوع | طرق مشاهدة الموضوع |
|
#1
09-30-2008
| |||
| |||
 أحــــضــــــــــان مـــجــــــــــانيـــــة >>>>>> IMG:http://i209.photobucket.com/albums/bb171/muhannad85/freehugs_1.jpg) من كام شهر كده قريت مقالة في إحدى الجرائد بتتكلم عن فيديو طريف على موقع youtube معمول على أغنية اسمها All the same لفريق الروك الاسترالي sick puppies ..مش عارف ليه افتكرت القصة دي اليومين دول.. يبدأ الفيديو أبيض وأسود بواحد شايل يافطة كبيرة مكتوب عليها free hugs ، أو "أحضان مجانية" وماشي يلف بيها في الشوارع والميادين.. في البداية الناس بتبص له باستغراب وتمشي ، أوتقعد تضحك عليه ، والبعض بيفتكره مجنون وأو مختل عقلياً .. لحد ما واحدة ست عجوز تقرر إنها تتجاوب معاه وتاخده في حضنها.. (IMG:http://i209.photobucket.com/albums/bb171/muhannad85/freehugs_2.jpg) (IMG:http://i209.photobucket.com/albums/bb171/muhannad85/freehugs_3.jpg) (IMG:http://i209.photobucket.com/albums/bb171/muhannad85/freehugs_4.jpg) وهنا يبدأ الفيديو يتلون.. وواحدة واحدة الناس بتتجاوب معاه وبتروح تحضنه ، لحد ما ناس كتيرة بتتجمع حواليه عشان تحضنه.. وتتنقل الكاميرا عشان تورينا عشرات الأشخاص في مختلف الأماكن آمنوا بالفكرة وبدءوا يرفعوا لافتات عليها نفس الكلمة : free hugs .. ويبدأ الناس دول يجمعوا توقيعات تؤيد الحملة اللي بدأها الراجل لحد ما التوقيعات تتجاوز آلاف المؤيدين والمريدين.. (IMG:http://i209.photobucket.com/albums/bb171/muhannad85/freehugs_8.jpg) (IMG:http://i209.photobucket.com/albums/bb171/muhannad85/freehugs_7.jpg) (IMG:http://i209.photobucket.com/albums/bb171/muhannad85/freehugs_6.jpg) (IMG:http://i209.photobucket.com/albums/bb171/muhannad85/freehugs_13.jpg) (IMG:http://i209.photobucket.com/albums/bb171/muhannad85/freehugs_14.jpg) (IMG:http://i209.photobucket.com/albums/bb171/muhannad85/freehugs_9.jpg) (IMG:http://i209.photobucket.com/albums/bb171/muhannad85/freehugs_10.jpg) (IMG:http://i209.photobucket.com/albums/bb171/muhannad85/freehugs_12.jpg) الطريف هنا في الفيديو هو إنه حقيقي مش تمثيل .. يعني الكلام ده يندرج تحت بند "حدث بالفعل".. والواحد اللي ظهر في أول الفيديو ده هو جون مان John Mann الشاب اللي كان مسافر بره بلده ، وفي صالة الوصول كان كل الركاب ليهم قرايب وأصحاب مستينهم إلا هو محدش اهتم بيه ولا عبّره.. شعر جون مان بمدى الغربة اللي أصبحت بين البشر لمجرد أنهم ما يعرفوش بعض ، وقرر يكرس وقته لإعادة الحياة إلى لعلاقات البشرية النبيلة.. وكان الفيديو ده هو بداية انتشارهذه الحملة الفريدة .. الفكرة مجنونة وجريئة.. والبعض ممكن يعتبرها سافرة وغير متناسبة مع مجتمعنا وأخلاقياتنا.. لكن إيه رأيكم لو ننفذ الفكرة دي عندنا بقيمنا إحنا ومرجعيتنا إحنا..؟؟ طبعاً البداية مش في الشارع عشان ما يتقبضش على واحد منكم وياخد جنحة 6 أشهر، ولا واحدة تفكر عمل كده تلاقي نفسها في شقة مفروشة بعد 3 دقايق من رفع اليافطة..!! يعني إيه رأيكم مثلاً لو نبدأ بأهلنا وأصحابنا وجيراننا والناس اللقريبين مننا..؟؟ اسمح لي أسألك وأكتم على نفسك : آخر مرة حضنت فيها أمك امتى ؟؟ آخر مرة اترميت في حضن أبوك كان من كام شهر ؟؟ إحنا بنقول أننا ما بنحضنش أهلنا عشان عندنا مشاكل معاهم.. لكن العكس هو الصحيح : إحنا عندنا مشاكل معاهم عشان ما بنحضنهمش.. كام واحد بياخد أخته الصغيرة في حضنه وينصحها بدل ما ينكد عليها عيشتها ويشغلها خدامة لحسابه..؟؟ كام شاب ارتمى في حضن أمه أو أخته الكبيرة وبكى وهو بيحكيلها على مشاكله ومعاناته..؟؟ أما عن السؤال الأكثر مأساوية فهو : كام واحد متجوز بيحضن زوجته حضن خالص كده لله في لله..؟! من الإحصائيات المؤسفة استبيان عن العلاقة بين الأزواج كان معمول على أحد المواقع الشهيرة وكانت نتيجة الاستبيان أن 20% فقط من المتزوجين اللي مر على زواجهم أكتر من سنتين هم اللي لسة بيبادلوا بعض مشاعر الحب المجردة بعيداً عن العلاقة الجسدية.. إحنا بقى عندنا حالة غريبة من الجفاء تجاه بعضنا البعض .. يمكن عشان المعاناة والحالة الصعبة اللي احنا عايشين فيها.. أو يمكن عشان الجمود اللي أصاب العلاقات البشرية في عصرنا الحالي وسيطرة المادة على كل شيء.. لكن المشكلة أن الجفاء ده بيزود الطينة بلة وبيخلينا مخنوقين أكتر من العيشة واللي عايشينها.. إيه رأيكم لو نبدأ من النهاردة كل واحد يحضن 3 أشخاص مثلاً كل يوم من أهله أو قرايبه أو أصحابه .. حضن عميق كده وخالص لوجه الله.. وننشر الفكرة دي وسط الناس واكيد هنحس بالفرق.. Peace.. منقول  |
|
#5
11-12-2008
| |||
| |||
 شكرا على هذه الفكرة الجميلة لكن لو الواحد طبقها مع أقرب الناس أول شئ يقولوه فيك أيه؟إنت عيان؟ ولا حد مزعلك!لأننا فعلا أصبحنا غرباءعن بعضنا البعض ممكن تكون الحياة المادية كما وصفتي أنتي وكل واحد خايف يضيع دقيقة من عمره في حضن لأقرب الناس إليه لحسن قطار الهث وراء المال يفوته!!1!!فالكل يرفع شعارالان(أنا وزوجتي وولادي ومن ورائ الطوفان)وربنا يرحمنا في هذا الزمن الذي خلا من المشاعر وطغت عليه المادية وإنالله وإنا إليه را  جعون |
|
#6
01-09-2009
| ||||
| ||||
 الفكرة دي ممكن تتقدم في الخارج أو تبتكر فكل شيء ليهم متاح أم هنا فلا أعتقد أنها سوف يتم لها القبول وسيعتقد الناس أن من يحملها هو مجنون بالفعل |
|
| مواقع النشر (المفضلة) |
« عاااااااااجل بركان على وشك الانفجار بامريكا و500 هزة ارضية مسجّلة !!
|
اتمنى من كل قلبي كفالة يتيم من غزة »
| أدوات الموضوع | |
| طرق مشاهدة الموضوع | |
العرض العادي
| |
الساعة الآن 12:35 AM.