ابي طريقة الكشري

الله يطيكم العافية ابي طريقة كشري مظبووووووووطة

بصي يا ساره هاقولك طريقه سهله وجميله
تجيبي عدس بجبه (البني)تسلقيه ف ميا وملح وما تهريهوش
تجيبي مكرونه صغيرة (بتاعة الكشري) وتحطي معاها شويه مكرونة اسباجيتي وتسلقيهم ف ميا وملح بردو وما تعجنيهاش
تعملي رز بشعريه يعني تغسلي الرز وتصفيه وتحمري الشعريه ف الزيت لغايه ما تصفر تضيفي الرز وتقلبيهم لحد ما يتقلو معاكي ف المعلقه تحطي الميه والملح والفلفل وتوطي عليهم النار بعد ما يغلو وتغطي الحله لغايه ما يستووا
ممكن كمان تسلقي عدس اصفر بردو اذا حبيتي وممكن تليني بليله حمص من بالليل وتاني يوم تسلقيها بردو وتسيبيها بعد ما يستوي الرز ضيفي عليه المكرونة والعدس و البليله وتقلبيهم
نيجي للصلصه يا ستي تعصري طماطم ف الخلاط وتحطيها عالنار تتسبك وبعدين تخرطي عليها فصين توم وتضيفي نقطتين خل وتتبليها بالملح والفلفل والشطه اذا حبيتي وتسيبيها تتسبك لغايه ما تتقل وتتخن
التقليه بقي هتخرطي بصل وتحمريه ف الزيت وتصفيه كويس
ممكن اضافه بقي اللي هي التوميه بتصفري توم ف الزيت وتضيفي له شويه خل وشويه ميه وتقطعي معاه فلفل اخضر او احمر وتقلبيهم كويس
وبالهنا والشفا

شكررررررا حبيتي ام ملك اليوم انشاء اللة راح اسوي طريقتك