ارجوكم ساعدونى فى مشكلتى

انا عارفه ان المشكله اللى انا فيها ربما يستنكرها كتير منكم بس والله والله والله انا مش بأيدى
انا زوجه من حوالى 8 سنوات وعندى اطفال وكانت حياتى مستقره الى ان حدث ماقلب كيانى كله فأنا لى ابن عم لم اعرفه الا منذ عامين فقط عندما شاء القدر ان يكون هناك مصلحه فى عمل مشترك بينه وبين زوجى للأسف انا ادير هذا العمل لان زوجى غير مقيم فى البلد وهناك تعاملات كثيره بينى وبين ابن عمى هذا وبدأت اشعر بمشاعر حب من تجاهه لم اعبر عنها بأى شكل من الاشكال لانى اعلم تماما معنى زوجه وهو لا يزال شاب غير متزوج على الرغم من انه فى عمري ولانى اعلم تماما انا مشاعري هذه ليس لها اى ثمار فظل الامر بينى وبين نفسى طبعا فأنا زوجه ولكن ماحدث ان بنت اخو زوجى نزلت معنا العمل وبدأت زى مابيقولوا ترسم عليه وانا اري ماتفعله ونار اشعر بها عندما ارى اى تجاوب من ناحيته معها
الى ان وقع فى المصيده وذهب لخطبتها
المشكله انى اشعر بحزن ونار غير طبيعيه وبدأ زوجى يلاحظ مع انى والله بحاول اداري بقدر الامكان بس والله ياجماعه رغم كده باين وكل مااسمع خبر جديد عنهما يجن جنونى واحاول امثل انى عادى بس بيبان انى مش طبيعيه
انا بجد مش عارفه اعمل ايه
وللاسف انا مضطره انى اتعامل معاه لان بينا شغل وه مصدر رزق لى ولاولادى وماينفعش ابعد
ارجوكم قلولى اعمل ايه انا بجد بتعذب

المشكله انك كنتى محتاجه للتغيير يعنىىىىىىىىىىىىىىىىىىىىى
اولا
حسيتى بفراغ عاطفى ولما جد جديد حسيتى بمشاعر كاذبه تجاة هذا الشخص
ثانيا
زوجك غير موجود فاسالك الله ان تستعيذىمن الشيطان وتؤكدى لنفسك انه وهم

شكرا مدام حنان على اهتمامك والرد
بس ياريت تقوليلى الحل ايه؟ وازاى احكم على المشاعر دى اذا كانت كاذبه ام لا؟

اسمعى يا ضوء انا مقدرة اللى انت فية وحسة بيكى كمان وعارفة انك حسيتى بكدة لان جوزك غايب عنك دى خطا كل الازواج بيدورا على الرزق الزايد قبل ولادهم وزوجاتهم لكن طبعا فكرى بعقل بس وانتى قاعدة على سجادة الصلاة فكرى ان اللى فى قلبك دلوقت شىء مستحيل وانك لو فضلتى تفكرى كدة هاتوصلى لحاجة من اتنين ياهتقعى فى غلط معاة طبعا سامحينى فى التعبير بس انا بقولك فكرى بكل الطرق دى طريق مسدود لانك متجوزة وعندك اطفال ومهما كنتى جميلة مش هاتقدرى تغيرى حياتك الحاجة التانية انك هاتعذبى نفسك طول حياتك وهتصعبى عيشتك مع جوزك ولو اللى فى قلبك فى قلبة طبعا مش هاتقدروا تكملوا الحب دة صدقينى انا برغم حبى الكبير لجوزى الا ان بعدة عنى مغير حياتى جدا والله وربنا يقدرك وحاولى انك تقربى من جوزك تانى

الأخت ضوء القمر لو تسمحيلي أعطيك رأيي في موضوعك وياريت تقبليه صدقيني الحلول الجذريه هي الحل بمعني أنا باطلب منك وضع زوجك وابن عمك وأولادك وبنت أخو زوجك في ناحيه والله وحده نصب عينيك هل ما تحمليه لأبن عمك من مشاعر مشتعله وحب كبير هل هذا يرضي الله تعالي يا حبيبتي أنا أري أنك منجرفه وراء الشيطان لأن مجرد تفكيرك في شخص غير زوجك تعتبر خيانه بالفكر والمشاعر تخلصي من هذه الأوهام بتقوي الله وأعملي دائما انك ستقابلين وجهه جل وعلا وفكري فيما ستقوليه لربك يوم السؤال العظيم دعي الخلق للخالق غدا ابن عمك ستكون له حياته وزوجته التي يبادلها المشاعر الصادقه وانت الخاسره وحدك خسرت رضا الله لك وبيتك وزوجك وأولادك أرجعي لربك واستغفري واطلبي من الله ان يملأ قلبك بحب زوجك وان يبعد عنك الشيطان وأعوانه وتحملي كلامي فأنا والله لا أريد لك إلا الخير في الدنيا والآخره وتقبلي مروري

اولا

الحل واضح زى ماقولتلك انا عارفه انه ليس بساهل ولاكن لازم تجاهدى نفسك وتصمدى
ثانيا اقصدمشاعر الحب