كنتي مستعجله وما لقيتي وقت للاستشواااار تعالي

رانيا رامى · #1 02-15-2009

السلام عليكم ورحمة الله وبركاته

أذا غسلتي شعرك ..وكنتي مستعجله..وما لقيتي وقت للاستشوااااااار...تعااالي هنا طريقه ولا

اذا خلصتي تروشتي ,, وجيتي تنشفين جسمك بالمنشفه ,, مالك الا انك تنزلين راسك على تحت ,,

وتقلبين شعرك ,, بالمنشفه نشفيه وانتي منزله راسك ,, منغير ماتمشطينه ولاااااااا شي ,, بس اقلبيه

وحركي بالمنشفه ,, بعدين وخري المنشفه وانتي منزله راسك ,, واجمعي شعرك بشكل عشوائي ,,

بحيث يصير كله متجمع عند اعلى الجبهه وحطي شباصه ,,

الحين تقدرين تدهنين جسمك وتلبسين وتتعطرين .. بعد ماتخلصين فكي الشباصه

يكون شعرك رطب شوي ,, حركييه بأصابعك بشكل عشوائي مع نفش ....... هنا اذا كان شعرك ناعم خلاص انتهت العمليه تقدرين تطلعين وهو كذا ,, يعطيك منظر طبيعي راااااائع

اما اذا كان شعرك جاف تقدرين تحطين اي كريم مرطب ,, اذا جيتي تحركين باصابعك بشكل عشوائي تحطين الكريم ..

اما اذا كانت عندك من قدام قصه قصيره مره ؟؟

تقدرين انك تستشورينها بس هي لحالها والباقي تخلينه مموج ,,,

للمعلوميه ,, ترا هذي الحركه تخلي الشعر يتنفس من الجذور وتوخر القشره ,,

لانك لمن تقلبينه ,, كل الجذور تكون بالشكل المعكوس وبالتالي تخلي اللي تحت الشعر والجذر يتنفس ..