ام حنين
20-05-2009 - 03:42 am

عندى ليكو طريقه مكرونه بالبشاميل خطيره انا بعملها كده على طول سهله وسريعه معلش لو هطول عليكو بس عشان محدش يغلط ف حاجه واللى عندو اى استفسارات عن أى حاجه يقولى وانا هرد عليكو




اولا: الامقادير

2 كيس مكرونه اقلام
1/2 كيلى لحمه مفرومه
كيلو طماطم حمرا
ملح
فلفل اسود
1/3 كوب سمنه
بصله كبيره مفرومه
4 ملاعق طعام دقيق
1/4 كوب سمن
كيلو لبن حليب
5 بيضات



الطريقه بالتفصيل لعدم الخطأ

اولا هنسلق المكرونه ونتركها جانبا
ثانيا طريقه (تعصيج ) اللحمه
1- نحط السمنه فى حله متوسطه ونضع البصله المبشوره حتى تحمر
2- نضع اللحمه تحتى تأخد اللون الرمادى اى تدخل فى السواء
3- نعصر الطماطم ونصب خليط الطماطم بعد تصفيته على اللحمه
حتى تتسبك وتشربها اللحمه
4- نضع ملح وفلفل اسود حسب المذاق
ثالثا طريقه البشاميل
1- نضع ال1/4 كوب سمن فى حله متوسطه ايضا على النار
2- نضع ال 4 ملاعق دقيق على السمن حتر تحمر ونقلب حتى لا تعجن حتى تأخد اللون البندقى
3- نضع كيلو اللبن الحليب ونقلب سريعا عشان ما تعجنش
حتى يذوب الدقيق والسمن فى اللبن وسيبدأ الخليط تحت يدك يتماسك يجب ان يكون متماسك وليس مثل الماء وعندما توصليه لدرجه التماسك
اطفى النار حتى يبرد
4- نضرب ال 5 بيضات مع ملح وفلفل اسود وبعد ان يبرد البشاميل نضع البيض المخفوق عليه
رابعا وضع المكرونه فى الصينيه
1- نأتى بوعاء متوسط ونضع فيه المكرونه المسلوقه وعليه شويه بشاميل ونقلبها
ثم نضع عليهم شويه لحمه مفرومه ونقلب
2- نحضر صينيه متوسطه ونمسحها بشويه بشاميل
3- نضع نصف خليط المكرونه فى الصينيه ثم نضع طبقه لحمه مفرومه
4- ونضع النصف الاخر من خليط المكرونهونساوى الوجه
ثم نضع خليط البشاميل على الصينيه وتدخل الفرن على درجه حراره 260
نسويها من تحت الاول وبعد كده نحمر الوش


وبالهنا والشفا جربوها وقولولى رأيكوااااااااااااااااااا


التعليقات (9)

لوعة الحب
لوعة الحب
20-05-2009 - 03:58 am


تسلم الايادي ياقمر الله يعطيك العافية


أمل عبده
أمل عبده
23-05-2009 - 01:00 pm


أم حنييييين جربت الطريقة وفعلا طلعت روووووووووووووووووووووعة


ام حنين
ام حنين
29-05-2009 - 04:51 am


بالهنا والشفا يا أمل عبده عقبال باقى الاعضاء يجربوا ويقولولى رأيهم


ام حنين
ام حنين
08-07-2009 - 01:35 pm


ميرسى لردودكم الجميله عليا عايزه منها كتير وجربوا الاكله وقولولى


عطر الورود
عطر الورود
03-04-2010 - 11:06 am


اولا صباح الخير دى شكلها هتبقى حلوة قوى بس ياريت اعرف ممكن بدل الحمة نحط فراخ وميرسى على ذوؤق يا قمر


عطر الورود
عطر الورود
03-04-2010 - 11:13 am
سؤالى


جميل قوى تسلم ايدك يس لية ما رديتى علية


انسام
انسام
03-04-2010 - 01:34 pm


شهيييييي ولذيذ يسلوووو هالادين


أضف تعليق

زائر