مملكه الرومانسيه
23-08-2010 - 04:04 am


يعتبر فصل الصيف من أكثر الفصول تأثيراً على الجلد ،

فهناك العديد من أطراف الجلد الفطرية ، و منها حمو النيل

الذى يصيب الإنسان نظراً لإرتفاع درجة حرارة الجو ، و

بالتالى ترتفع درجة حرارة الجلد و يزداد إفراز العرق

فيحدث انسداد بفتحات الغدد العرقية و يبدأ ظهور حبيبات

صغيرة حمراء فى حجم رأس الدبوس ، و هو ما يسمى

( حمو النيل ) ، و غالباً ما يصيب الأشخاص المعرضين

لإرتفاع درجة الحرارة و الأطفال .. الرضع هم اكثر

المعرضين للإصابة به أكثر من البالغين و تظهر الحبيبات فى

المناطق المعرضة لإحتكاك الملابس و خصوصاً تلك التى تصنع

من الخيوط الصناعية ، لأنها تمنع نفاذ العرق و تزيد بالتالى

من درجة حرارة الجسم و يصاب الإنسان بحكة شديدة ..

و عند الأطفال غالباً ما تتحول هذه الحبيبات الحمراء إلى

خراريج تنتشر بكافة الجسم .

لهذا كله فإن التهوية و عدم التعرض لأشعة الشمس و إرتداء


الملابس القطنية يساعد على تبخر العرق مع الحرص على

عدم حك الجلد بشدة باللوف و الصابون عند الإستحمام

، كما ينبغى استخدام الدش البارد مع قليل من الصابون

فقط ، دون استخدام اللوف ، بالإضافة إلى استخدام

إحدى الكريمات التى تحتوى على مادة ( التتراسيكلين )

على المناطق المصابة بحمو النيل .. كذلك يمكن الاستحمام

بمغلى زهرة البابونج ( الكاموليا ) أو زهرة البانسيه ..

كما أن الإستحمام بمغلى ( الردة ) و بعد تصفيته جيداً يمنع

الحكة و الإحمرار المصاحب لحمو النيل ، و كذلك يمكن

الإستحمام بمغلى الترمس



التعليقات (12)

ام بسملة
ام بسملة
23-08-2010 - 04:27 am


الله عليكى ياآيه معلومات جميله ومفيده وجايه بوقتها لأن بسمله متبهدله من الحمو نيل وهجرب مغلى الرده ان شاء الله ووحشتينى اوى اوى ياقمر


مملكه الرومانسيه
مملكه الرومانسيه
23-08-2010 - 01:43 pm


وانتى كمان ياقمر وحشانى اوى وانا كمان والله متبهدله منه علشان الجو الحر ده ولف مليون سلامه لبسبس السكر


اوفا100
اوفا100
23-08-2010 - 02:43 pm


والله موضوع رائع خصوصا في الوقت اللي احنا فيه ده احسن الاطفال كلهم متبهدلين حمو النيل تسلم ايدك يايويو


صدى الزكرى
صدى الزكرى
23-08-2010 - 03:18 pm


انا هجرب الوصفات دى ويارب تجيب نتيجة احسن انا متبهدلة منة


مملكه الرومانسيه
مملكه الرومانسيه
23-08-2010 - 03:30 pm


والله كلنا متبهدلين منه ميرسى لمرورك ياقمر


مملكه الرومانسيه
مملكه الرومانسيه
23-08-2010 - 03:32 pm


فعلا والله يااوفا ناس كتير بتشتكى منه والاروع مرورك ياقمر


*دودو*
*دودو*
24-08-2010 - 12:19 am


بجد موضوع تحفه ورائع تسلمي ياايويه ياقمرايه وحشاني موووووووووت ياقلبي


ام شهد العسل
ام شهد العسل
24-08-2010 - 12:19 am


تسلمى يا ايه على المعلومه القيمه والله ابنى متبهدل منه وان شاء الله اجربه


بنت رومانسية
بنت رومانسية
24-08-2010 - 01:16 am


مرسي ليكى ياحبيبتى دا بنت اختى متبهدلة منة وتعباها اوى اللة يباركلك يا رب


مملكه الرومانسيه
مملكه الرومانسيه
24-08-2010 - 01:39 am


ويباركلك يارومنسيه ياقمر وربنا يشفيه يارب


مملكه الرومانسيه
مملكه الرومانسيه
24-08-2010 - 01:41 am


الاروع مرورك يادودو ياقمر وانتى كمان ياسكره وحشانى اوى


مملكه الرومانسيه
مملكه الرومانسيه
24-08-2010 - 01:42 am


تسلم عيونك ياام شهد ياقمر


أضف تعليق

زائر