ام ملك
05-12-2008 - 12:33 am

الكبـــــــــــــدة









كبدة بالدقة *
المقادير

* ½كيلو كبدة بتلو.
* 1/2 راس ثوم مهروس.
* 3 معالق زيت.
* عصير ليمون.
* معلقة كبيرة بقدونس مفروم.
* ملح وفلفل و كمون.
الطريقة
- تغسل الكبدة كويس بالماء والخل
- وتشطف بالماء وتقطع شرائح رقيقة
- ندهن مقلاية بالزيت ونشوح فيها الكبدة كويس على نار عالية لحد ماتستوى ونشيلها من على النار
- نخلط كل مقادير الدقة اللى عندنا مع بعضالثوم والبقدونس و عصير الليمون والملح والفلفل والكمون ونضعهم على الكبدة اول ما تنزل من على النارونقلبهم كويس لحد ما الدقة تتخلط كويس بالكبدة ونقدمها ساخنة.
وبالهنا والشفا

كبدة الكباب حلة *
المقادير
- 1/2 كيلو كبدة.
- 3 معالق سمنة.
- 1/2 راس ثوم.
- كوب عصير طماطم.
- ملح – فلفل – بهارات.
الطريقة
- بعد مانغسل الكبدة كويس ونجهزها نقطعها مكعبات.
- اقدحى السمنة وحمرى فيها الثوم (بس يكون مقطع حلقات مش مهروس )
لحد ما لونه يصفر
- ضعى مكعبات الكبدة على الثوم وتقلبى وتغطى الحلة وتكون النار
هادية لحد ما الكبدة تنشف مايتها
- اضيفى عليها عليها عصير الطماطم و الملح والفلفل والبهارات
- اتركيها على نار هادية لحد ما تتسبك وتبان السمنة .
حمرى فيها الكبدة وتقدميها.
**وبالهنا والشفا**

كبد وكلاوى بالصوص مع الارز الابيض

المقادير
1* كيلو كبدة ضانى .
* عدد 3 كلاوى.
* عدد 2 قلب .
* 2فلفل اخضر رومى او حامى.
* رأس ثوم مفصصة ومفرومة.
* ملح – فلفل – كمون.
* ربع كوب زيت.
الطريقة

- يقطع الكبد والكلاوي والقلوب إلي شرائح رفيعة او مكعبات
- ثم تغسل بالماء وتصفي في مصفاة كل واحد لوحدة
- ثم يسخن الزيت وتقلب شرائح القلوب والكلاوي كويس لحد ما ينزلوا مايتهم ويشربوها
- وبعدين تضاف شرائح الكبدة إلي القلوب والكلاوي وتقلب جيدا ثم يضاف الثوم و الملح و الفلفل و الكمون والفلفل الأخضرثم يقلب كله مع بعض ويترك علي نار هادئة لحد ما يستووا مع اضافة القليل من الماء كلما احتاجوا
ويقدم مع طبق من الارز الابيض
ملحوظة :اذا كنتى عوزاها بالصوص يبقى قبل ما تطفى النار وبعد ما تستوى تسيبى فيها شوية صوص
واذا كنت مش عيزاها بصوص يبقى بعد ما تستوى والماء بتاعها ينشف تقلبيها فى السمنة اللى معاها فى الحلة

الكبدة بالفلفل و الطماطم

المقادير
* نص كيلو كبدة .
* ملح _فلفل _فلفلة رومى كبيرة _بصلة كبيرة .
* طماطماية كبيرة .
* معلقة زيت او سمن _ معلقة صغيرة خل .فصين ثوم.
الطريقة

* نقطع الكبدة قطع صغيرة و كذلك الفلفل و البصل و الطماطم .
* نضع السمن فى حلة و نشوح فيها البصل و الفلفل و فصين الثوم لحد ما يصفروا
* ثم نضع الطماطم و الخل و نقلب ثم نضع الكبدة و نقلب نقلب لحد ما تاخد لون محمر
* اضع ربع كوب فى ربع كوب ماء لحد ماتستوى و يكون فيها صوص بنى.
و بالهنا و الشفا

الكبدة بالردة

المقادير
* كيلو كبدة شرائح .
* رأس توم مفرومة ناعم جدا .
* ملح -فلفل - نصف ملعقة صغيرة كمون - 2 ملعقة كبيرة ك***ة ناعمة .
* 2 كوب ردة ناعمة + نص كوب دقيق – ( تخلطيهم مع بعض ).
* زيت للقلى.
الطريقة

- تبلى الكبدة و ضعى عليها و الملح و الفلفل و التوم و الك***ة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس
- طلعيها من الثلاجة و سخنى الزيت
- نضع شريحة شريحة فى خليط الردة بالدقيق و اضغطى عليها با يدك كويس من الناحيتين
- و ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسبيهاش على النار دى يادوب بتاخد ثوانى
طلعيها من المقلاية .
** و بالهنا و الشفا **

ملحوظة لو عاوزة الكبدة مشوية :
تعملى كل اللى عملناة عادى لحد مت تخرجيها من الثلاجة و بعدين تشويها
ملحوظة : بالنسبة للردة اللى هيا بنشوى بيها السمك ممكن تشتريها من اى فرن عيش بلدى او بقيت متوفرة فى عبوات فى السوبر ماركت

الكبدة الاسكندراني *

المقادير
1\2* ك كبدة (طبعا الكميات ترجع لكل واحد)
3 -بصلات وسط
3- حبات فلفل رومى بارد
2 -حبة طماطم
- ملح و فلفل أسود و بهارات
- فصين ثوم مدقوقين
- ملعتين كبار صلصة طماطم
1\2- ملعقة خل
- زيت ذرة.

الطريقة
- تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة.
الطماطم برضه نقطعها اربع ارباع و تقطع شرايح رقيقة.
- نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين.
نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي.
- ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم المدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة.
و تقلب ثم تطفي النار. و تؤكل مع الخبز و سلطة الطحينة و السلطة الخضراء.
** وبالهنا والشفا **


الكبدة المحمرة

المقادير
نص كيلو كبدة .
ملح _فلفل _عصير ليمون _ سمن للتحمير

الطريقة
********
خلى الجزار يعطيكى الكبدة متقطعة شرائح و تبليها بالملح و الفلفل وعصير الليمون
و سيبيها شوية فى التتبيلة
- نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى
- وبعدين حطى عليها شوية فى شوية ماء لحد ما تستوى
و بالهنا و الشفا


التعليقات (21)

أم سيف
أم سيف
05-12-2008 - 01:27 am


شكرا لك يا ام ملك تسلمي يا غاليه


اممصعب
اممصعب
07-12-2008 - 07:39 pm


بطريقة الرده في مقدار مش واضح اما باقي الاطباق عجبتني اصلي انا والكبده كثير اصحاب وبحبها اوي وجدا وان شاء الله اجرب كم وصفه جديده علي ومشششششككككككوووورررره ه ه ه


جنون العاطفة
جنون العاطفة
08-12-2008 - 03:53 am


تسلم الأيادي ياقمر


ام ملك
ام ملك
09-12-2008 - 04:33 pm


quote:
اممصعب Post: 18408
بطريقة الرده في مقدار مش واضح اما باقي الاطباق عجبتني اصلي انا والكبده كثير اصحاب وبحبها اوي وجدا وان شاء الله اجرب كم وصفه جديده علي ومشششششككككككوووورررره ه ه ه
عندك حق يا ام مصعب المقدار هو كسبره ناعمه وبالهنا والشفا


ام ملك
ام ملك
09-12-2008 - 04:34 pm


شكرا للمشاركه ام سيف وجنون العاطفه


أم ندى
أم ندى
16-01-2009 - 03:15 pm


تسلم ايدك


umsaleh
umsaleh
22-01-2009 - 12:27 am


مشكوررررررررة ام ملك كلك زوء حبيبتي


manola
manola
25-01-2009 - 03:26 am


انا بحب الكبدة جداااااا بس دايما اعملها اسكندرانى هاجرب الطرق الجدية ان شاء اللة


نور الهدى10
نور الهدى10
25-01-2009 - 04:10 pm


شكرا قوووووى على الاكله دى وبجد جميله


نور الهدى10
نور الهدى10
25-01-2009 - 04:11 pm


شكرا قووووووى على الاكله الجميله دى


ام كريمان
ام كريمان
25-02-2009 - 12:07 am


تسلم ايدبكى يا غاليى


البنت الفتحاوية
البنت الفتحاوية
26-02-2009 - 02:21 pm


يمممممممممممممممي طرق كتير حلوة و متنوعة يسلمووووووووووووووووا


shaimaa amr
shaimaa amr
16-03-2010 - 07:37 pm


بجد رائعة تسلم ايدك على هذة الطرق المتنوعة وانا بجد استفدت منها وسجلتها عندى


الليدى الصغنونة
الليدى الصغنونة
16-03-2010 - 07:58 pm


تسلم ايدك ياحبيبتى


pretty soso
pretty soso
16-03-2010 - 08:17 pm


يسلمو عزيزتي والمرة الجاية ضوقينا


علا2
علا2
23-03-2010 - 12:47 am


تسلم اديكى يا قمر


بكوش
بكوش
19-08-2010 - 03:11 am


تسلم اديكوم رمضان كريم


أضف تعليق

زائر