مرمر
18-01-2009 - 06:07 pm

اليوم اقدم لكم وصفه كتير بيعتبروها صعبه وهو الديك الرومى
وأنا أولكن بالرغم من قيام امى كثيرا بعمل الديك الرومى وكمان جدتى لكن الخوف والترقب والرعب من النتيجه كان بيخلينى أخاف اعمله الى ان جاءت لحظه لا يمكن أن اتراجع فيها ابدا وعملته ونجح معايا جدا جدا جدا

بسم الله نبدأ
المقادير

ديك رومى اى وزن (الديك عندى كان صغير وزنه ثلاثه كيلو ونصف )
3 حبه بطاطس
5 حبات كوسه
3 حبات جزر
بروكلى مقطع
2 بصله كبيره
مقادير تتبيله الديك
حبه بصل كبيره
حبه طماطم كبيره
ملح فلفل خل بابريكا كمون فلفل حبهان سماق كارى
نصف كوب زبده (مهمه جدا )
الطريقه
بدايه نغسل الديك جيدا من الداخل والخارج وننقعه فى ماء ودقيق
وبعده ينقع فى ماء وملح وخل لمده نصف ساعه
(حتى يعمل الخل على تطريته لاحقا )
فى الكبه نقوم بوضع مقادير التتبيله معا ماعدا الزبده ونطحن المقادير ليتكون معنا
خليط بهذا الشكل



فى صينيه واسعه نقوم باضافه التتبيله عالديك ونحاول ان ندخلها فى قلبه و تحت الجلد مع مراعاه عدم تمزق الجلد





نغطى الديك ونتركه ليله كامله فى الثلاجه حتى يتشرب من التتبيله جيدا





تانى يوم اولا نحضر الخضار ونقطعه ولكن قطع كبيره لانها ستبقى فى الفرن فتره مع الديك





وبعدها نقوم بوضع التوابل التى تفضليها على الخضار





ونقم بتبطين صينيه بورق القصدير ونضع الخضار هكذا





نعود للديك
نقوم بالتخلص من التتبيله على قدر الأمكان من الداخل والخارج ونقوم بتوزيع الزبده
على سطحه وتحت الجلد والهدف منها هو تطريته لان بطبيعته لحمه قاسى





وبعدها نضع الديك على الخضار





ونغطى الصينيه بالفويل جيدا وندخلها الفرن لمده ساعه ونصف على حراره 200





بعد مرور ساعه ونصف نتخلص من الغطاء القصديرى ونقوم بتشريب الديك بالماء الذى نزل منه هو والخضار





تكرر هذه العمليه كل ربع ساعه او تلت ساعه تقريبا مع عدم تغطيته مره اخرى بل يترك هكذا بدون تغطيه بالقصدير


وهنا بعد مرور حوالى ساعه اخرى





وتركته نصف ساعه اخرى
المحصله انه استغرق ثلاث ساعات تقريبا حتى ينضج


ملحوظه مهمه
فى حاله استخدام ديك رومى مجمد ستجدى عند منطقه الصدر قطعه بلاستيكه رشقت فيه وهى مؤشر لنضوجه فعندما تقفز لاعلى هذا معناه ان الديك استوى
وفى حاله ان يكون الديك طازج وبالتالى لن يتواجد المؤشر فيحسب وقت نضجه على حسب وزنه فلكل كيلو ساعه تقريبا


وهذا شكله النهائى بعد وضعه فى طبق التقديم







وفى هذه الصوره واضح وجود المؤشر مرتفع عند منطقه الصدر وطبعا نتخلص منه





ودى كانت طريقه عمل الديك الرومى واى سؤال انا موجوده
ونسيت اقول لكم حاجه مهمه فى حاله حشو الديك بالرز مثلا بيكون مده طهيه كما وضحت ونزود عليها حوالى نصف ساعه لطهو الحشو
اتمنى ان اكون افدتكن


التعليقات (8)

كابر
كابر
18-01-2009 - 06:59 pm


جميل قوى يا مرمر اتفضلى كلى بس بصراحة بقى شكلة اجمل ويفتح النفس بعد التحمير


farah_22
farah_22
19-01-2009 - 01:01 pm


واااااااااااااااااااااااااااااااااااااوووووووووو روعة شكلي اليوم ان شاء الله بجربه مشكووورة حياتي على الوصفة الرائعة


mona cherif
mona cherif
19-01-2009 - 03:35 pm


روعة تسلم ايديك


مرمر
مرمر
28-01-2009 - 04:26 pm


يالله على ردودكم الجميلة مشكووووووووووووووووورين


شيرى شيرى
شيرى شيرى
26-03-2010 - 09:34 pm


برافو عليكى حلوة اوى


أضف تعليق

زائر