manola
24-01-2009 - 05:11 am

مين يا بنات تعرف طريقة عمل بطاطس فريسكس اللى فى كوك دور للانى عازاها ضرورى


التعليقات (15)

mona cherif
mona cherif
24-01-2009 - 11:20 am


لا اعرف بصراحة فريسكس


mesha
mesha
26-01-2009 - 07:59 pm


طريقة عمل الشاورمة عايزة اعرفها


manola
manola
28-01-2009 - 02:20 am


اشكر الاخت منى على ردها واهتمامها ام بالنسبة لميشة فانا باعمل الشاورمة كالاتى بتجيبى اللحمة وتكون شرايح زى البفتيك وبعدين تقطعيها رفيع وبعدين تنقعيها فى عصير بصل وتوابل وخل وليمون وشطة حسب الرغبة وتسبيها حوالى 12 ساعة عشان تدبل وبعدين تشوحيها فى سمن او زيت وتزوديها مية وتسبيها تستوى وكل ما تعوز مية حطى بس مش كتير لغاية ما تكون خلاص فا ضلها حاجة بسيطة وتستوى قطعى عليها طماطم رفيع خالص وشوحى لغاية لما تسبك خالص وبعدين تعملى سلطة طحينة بالطريقة العادية واخلطيها مع الشاورمة واحشى الساندوتشات وبالهنا والشفا جربى وقولى رايك


mesha
mesha
03-02-2009 - 02:18 pm


اشكرك اخت Manola على اهتمامك بالرد على


mesha
mesha
03-02-2009 - 02:21 pm


من فضلكم ممكن حد يساعدنى عندى مواضيع عايزة انزلها بس مش عارفة ازاى


Jasmin
Jasmin
05-03-2009 - 05:50 pm


شكراُ كتير للأخت منى و أنا على فكرة من عشاق بطاطس فريسكس


بنفسج
بنفسج
05-03-2009 - 06:09 pm


انا عضو جديد , حابة اشكرك اختي manola على طريقة الشورمة , وحابة أسئلكم عن طريقة عمل سلطة الذرة و السلطة الروسية و اتمنى ان اقرأ الرد


بنفسج
بنفسج
06-03-2009 - 09:37 pm


انا ممكن اساعدك اختي ميشا ,.اذا بتحبي طبعا


انتظـــــار
انتظـــــار
26-05-2009 - 05:07 pm


-
يمكن هذا يسااااعد بعد البحث منولا بطاطس فريسكس المقادير: بطاطس متوسطة 2 +كوب دقيق+ 2 ملعقة كبيرة بيكنج بودر+ نصف ملعقه فلفل + و ملعقة صغيرة كركم و ملعقة صغيرة ملح الطريقة: تقطع البطاطس شرائخ متوسطة و غير رفيعة ثم تخلط بالدقيق والبودر والفلفل والكركم والملح مع قليل من الماء حتى تلتصق بالبطاطس تترك نصف ساعة ثم تقلى وبالهنا والشفا ملحوظة لنتيجة افضل تترك البطاطس مفرودة على صينية مثلا مش في طبق غويط ---------------------------- صوص بطاطس الفريسكاس المقادير : نصف كوب مايونيز ملعقة طعام خل ملعقة صغيرة بصل مقصع صغير رشة ملح رشة فلفل الطريقة : نخلط جميع المقادير جيدا مع التقليب حتى يمتزج الطعم جيدا و يقدم
-


ام بيدو
ام بيدو
26-05-2009 - 05:12 pm


بجد انا كمان احبها ولو عرفتي طريقة عملها قوليلي


ام بيدو
ام بيدو
26-05-2009 - 05:15 pm


تسلمي يا انتظار يا قمر ايه الشطارة دي انا هاقوم اعملها ويارب تطلع مظبوطة ولو سمحت حطي الوصفة منفصله في قسم الطبخ عشان الناس كلها تشوفها ولما ندور عليها نلاقيها بسهولة


انتظـــــار
انتظـــــار
26-05-2009 - 05:20 pm


quote:
ام بيدو Post: 151062
تسلمي يا انتظار يا قمر ايه الشطارة دي انا هاقوم اعملها ويارب تطلع مظبوطة ولو سمحت حطي الوصفة منفصله في قسم الطبخ عشان الناس كلها تشوفها ولما ندور عليها نلاقيها بسهولة
-
تسلمين ام بيدو بس يمكن مو اكيد انها فريسكس يمكن شبيهاا هااه ووش رااايكـ ؟؟؟ انزلها ولا لا ؟؟؟
-


ام بيدو
ام بيدو
26-05-2009 - 05:23 pm


طبعا تنزليها شكلها شهي وتجوع حتي لو مش هي بس سناك تحفة للكبار والاطفال وجنب الاكل وبجد انا هاقوم اجهزها جنب العشاء متحرميناش من وصفاتك اللذيذة


ام بيدو
ام بيدو
26-05-2009 - 05:25 pm


كمان انا عايزة اشكر مانولا صاحبة السؤال لانها فتحتلنا الباب لوصفات تجوع


sheme
sheme
31-05-2009 - 09:23 pm


على فكرة انا عملت البطاطس دى وطلعت تحفة جوزى اول ماشفها قالى ايه اللى انتى عاملا فى البطاطس دا ولما داقها خلص عليها ماكنش مقتنع انها فرسكس زى بتاعت برة هههههههههههههههههه بس عجبته


أضف تعليق

زائر